സ്നേഹവും കരുണയും സാന്ത്വനവും പകരുന്നതാണ് ഗോവ ഗവർണർ പി എസ് ശ്രീധരൻപിള്ളയുടെ കഥകളെന്ന് തെലുങ്കാന ഗവർണർസി പി രാധാകൃഷ്ണൻ ! പി എസ് ശ്രീധരൻപിള്ളയുടെ ‘തത്ത വരാതിരിക്കില്ല’ കഥാസമാഹാരത്തിന്റെ തെലുങ്ക് വിവർത്തനം ‘രാമചിലുക’ പ്രകാശനം ചെയ്തു

രാജ്ഭവൻ (ഗോവ ) : ഗോവ ഗവർണറും സുപ്രസിദ്ധ എഴുത്തുകാരനുമായ പി എസ് ശ്രീധരൻപിള്ള എഴുതിയ ‘തത്ത വരാതിരിക്കില്ല’ എന്ന കഥാസമാഹാരത്തിന്റെ തെലുങ്ക് വിവർത്തനം ‘ രാമചിലുക’ പ്രകാശനം ചെയ്തു. ഹൈദരബാദിൽ തെലങ്കാന രാജ്ഭവനിൽ നടന്ന ചടങ്ങിൽ പ്രമുഖ തെലുങ്ക് എഴുത്തുകാരൻ പത്മശ്രീ പ്രൊഫ. കോലാകലൂരി ഇനോക് ആദ്യകോപ്പി ഏറ്റുവാങ്ങി. സ്നേഹവും കരുണയും സാന്ത്വനവും പകരുന്നതാണ് പി എസ് ശ്രീധരൻപിള്ളയുടെ കഥകളെന്ന് പ്രകാശന കർമ്മം നിർവഹിച്ചു കൊണ്ട് സംസാരിക്കവെ തെലുങ്കാന ഗവർണർസി പി രാധാകൃഷ്ണൻ അഭിപ്രായപ്പെട്ടു.

തെലുങ്കിലെ പ്രമുഖ പ്രസാധകരായ പാലപിട്ട ബുക്സ് ആണ് പുസ്തകം പ്രസിദ്ധീകരിക്കുന്നത്. വിവർത്തകൻ എൽ ആർ സ്വാമി, കവി ശിവറെഡ്ഡി, മുൻ എംഎൽ എ ശ്രീ. എൻ. രാമചന്ദർ ,ഡോ.രൂപ് കുമാർ ദാബിക്കർ, ഗുഡിപ്പട്ടി വെങ്കടേശ്വരലു എന്നിവർ ചടങ്ങിൽ സംസാരിച്ചു. ഗ്രന്ഥകർത്താവ് പി എസ് ശ്രീധരൻ പിള്ള പ്രതിസ്പന്ദം നടത്തി.