ഗോവ: ഐഎസ്എൽ ഏഴാം സീസണ് ഇന്ന് ഗോവയിൽ തുടകമാകും. ഉദ്ഘാടന മത്സരത്തിൽ കേരള ബ്ലാസ്റ്റേഴ്സ് എടികെ മോഹൻബഗാനെ നേരിടും. ഗോവയിലെ ജിഎംസി ബാലയോഗി അത്‌ലറ്റിക് സ്റ്റേഡിയത്തിൽ വൈകിട്ട് 7.30നാണ് മത്സരം. കൊവിഡ് പശ്ചാത്തലത്തിലാണ് ഐഎസ്എൽ ഗോവയിലേക്ക് മാറ്റിയത്. മത്സരങ്ങളിൽ കാണികൾക്ക് പ്രവേശനമില്ല. ഈ വര്‍ഷം 11 ക്ലബുകളുണ്ട് ടൂര്‍ണമെന്റില്‍. സ്‌പോര്‍ടിങ് ക്ലബ് ഈസ്റ്റ് ബംഗാളിന്റെ ആദ്യ ഐഎസ്എല്‍ സീസൺകൂടെയാണ്.
മോഹന്‍ ബഗാനുമായി ലയിച്ച് എടികെ മോഹന്‍ ബഗാനായാണ് ആന്റോണിയോ ലോപസ് ഹബ്ബാസിന്റെ ടീം വരുന്നത്.സന്ദേശ് ജിംഗാന്‍, സുഭാശിഷ് റോയ് എന്നിവരെ പാളയത്തിലെത്തിച്ച ഹബ്ബാസ് എടികെയുടെ പ്രതിരോധം ബലപ്പെടുത്തിയിട്ടുണ്ട്. പതിവുപോലെ പ്രത്യാക്രമണത്തിലൂന്നിയായിരിക്കും എടികെ മോഹന്‍ ബഗാന്‍ മുന്നേറ്റം.കേരള ബ്ലാസ്‌റ്റേഴ്‌സിന്റെ കാര്യമെടുത്താൽ, കഴിഞ്ഞവര്‍ഷത്തെ ഹീറോ ബര്‍ത്തലോമ്യ ഓഗ്ബച്ചെയില്ലാതെയാണ് മഞ്ഞപ്പട കളത്തിൽ ഇറങ്ങുന്നത്. ഐഎസ്എല്ലില്‍ ബ്ലാസ്‌റ്റേഴ്‌സിനായുള്ള 34 -കാരന്‍ നമോനെസുവിന്റെ അരങ്ങേറ്റം കൂടിയാണ്
ഇന്നത്തെ മത്സരം.
