ശ്രീരാമന് 3200 കിലോഗ്രാം ഭാരമുള്ള വില്ലും 3000 കിലോ ഭാരമുള്ള ഗദയും ! അയോദ്ധ്യ ശ്രീരാമക്ഷേത്രത്തിലേക്ക് രാജസ്ഥാനിലെ ഭക്തരുടെ സമ്മാനം

അയോദ്ധ്യ ശ്രീരാമക്ഷേത്രത്തിലേക്ക് പഞ്ചലോഹത്തില്‍ തീര്‍ത്ത ഗദയും വില്ലും നൽകി രാജസ്ഥാനിലെ ഒരുകൂട്ടം രാമഭക്തര്‍. രാജസ്ഥാനിലെ സിറോഹിയിലുള്ള കലാകാരന്‍മാരാണ് ഗദയും വില്ലും നിർമിച്ചത്. 26 അടി നീളവും 3000 കിലോഗ്രാം ഭാരവുമുള്ള ഗദയും, 3200 കിലോഗ്രാം ഭാരമുള്ള വില്ലുമാണ് അയോദ്ധ്യ ശ്രീരാമക്ഷേത്രത്തിലേക്ക് നൽകിയത്.

ശ്രീരാമന്റെയും ഹനുമാന്റെയും പ്രധാന ആയുധമാണ് വില്ലും ഗദയുമെന്നാണ് വിശ്വാസം. അതേസമയം, രാമ രഥത്തിലാണ് ഇവ അയോദ്ധ്യയിലേക്ക് എത്തിച്ചത്. രാമക്ഷേത്രത്തില്‍ ശ്രീരാമന്റെയും ഹനുമാന്റെയും വിഗ്രഹത്തിനടുത്ത് ഇവ സ്ഥാപിക്കുമെന്നാണ് പുറത്തുവരുന്ന വിവരം. അയോദ്ധ്യയിലേക്ക് പുറപ്പെടുന്നതിന് മുമ്പ് വില്ലും ഗദയും പൂജിച്ചിരുന്നു. ഷിയോഗഞ്ചിലെ മഹാരാജ മൈതാനത്ത് വെച്ചാണ് ഇതിന്റെ ചടങ്ങുകള്‍ നടത്തിയത്.