കേരളം ദൈവത്തിന്റെ സ്വന്തം നാടാണ്, ജിഹാദികളുടെയല്ല; കേരളാ സ്റ്റോറി എന്ന ചിത്രത്തിനെതിരെ നടക്കുന്ന ഗൂഡാലോചനക്കെതിരെ തത്വമയിയുടെ പ്രതിരോധം; കശ്മീർ ഫയൽസിനും, പുഴ മുതൽ പുഴ വരെ എന്നീ ചിത്രങ്ങൾക്ക് ശേഷം കേരളാ സ്റ്റോറിയുടെ പ്രത്യേക പ്രദർശനം മെയ് 09 ന് തിരുവനന്തപുരം ഏരീസ് പ്ലെക്സിൽ

തിരുവനന്തപുരം: ആവിഷ്‌ക്കാര സ്വാതന്ത്ര്യത്തിന് പേരുകേട്ട കേരളത്തിൽ പെൺകുട്ടികളെ പ്രണയക്കെണിയിൽപ്പെടുത്തി മതം മാറ്റി ഐ എസിലേക്ക് നടത്തുന്ന റിക്രൂട്ട്മെന്റ് പ്രമേയമാക്കിയ കേരളാ സ്റ്റോറി എന്ന ചിത്രത്തിനെതിരെ മതമൗലികവാദ സംഘടനകളുടെ അസഹിഷ്ണുതക്കെതിരെ തത്വമയി. ചിത്രത്തിന്റെ പ്രത്യേക പ്രദർശനമൊരുക്കിയാണ് തത്വമയി സിനിമയുടെ പ്രമേയത്തോട് ഐക്യദാർഢ്യം പ്രഖ്യാപിക്കുന്നത്. മെയ് 09 ചൊവ്വാഴ്ച്ച രാവിലെ 08:00 മണിക്ക് തിരുവനന്തപുരം ഏരീസ് പ്ലെക്സിലാണ് പ്രദർശനം. ക്ഷണിക്കപ്പെട്ട അതിഥികൾക്കും പൊതുജനങ്ങൾക്കുമായാണ് സൗജന്യ ഷോ ഒരുക്കിയിരിക്കുന്നത്. പ്രഖ്യാപനം വന്ന് ആദ്യ ദിവസം തന്നെ മികച്ച പ്രതികരണമാണ് ലഭിച്ചത്. ടിക്കറ്റ് ബുക്കിങ്ങിനായി 8086868986 എന്ന നമ്പറിൽ ബന്ധപ്പെടാവുന്നതാണ്.

കേരളത്തിലെ ഇസ്ലാമിക മതമൗലികവാദ സംഘടനകളും ഇടത് സംഘടനകളും ചിത്രത്തിനെതിരെ വലിയ പ്രതിഷേധവുമായി രംഗത്തെത്തിയിരുന്നു. സുപ്രീംകോടതിയിൽ പോലും ഹർജ്ജി നൽകി
സിനിമയുടെ റിലീസ് തടയാനായുള്ള ശ്രമമുണ്ടായി. എന്നാൽ സുപ്രീംകോടതിയും പിന്നീട് കേരളാ തമിഴ്‌നാട് ഹൈക്കോടതികളും സിനിമക്കെതിരെയുള്ള ഹർജികൾ തള്ളി. തീവ്രവാദ സംഘടനകളുടെ ഭീഷണിയെ തുടർന്ന് ചില തീയറ്റർ ഉടമകൾ ചിത്രത്തിന്റെ പ്രദർശനത്തിൽ നിന്ന് പിന്മാറിയിരുന്നു. തുടർന്ന് ഇരുപതോളം തീയറ്ററുകളിൽ മാത്രമാണ് ചിത്രം പ്രദർശനത്തിനെത്തിയത്. കനത്ത സുരക്ഷയിലാണ് തീയറ്ററുകളിൽ ചിത്രം പ്രദർശിപ്പിക്കുന്നത്. ഈ സാഹചര്യത്തിലാണ് തത്വമയി ചിത്രത്തിന്റെ പ്രത്യേക പ്രദർശനം ഒരുക്കുന്നത്. കശ്മീരിലെ ഹിന്ദു വംശഹത്യയുടെ കഥപറയുന്ന കശ്മീർ ഫയൽസിന്റെയും, മലബാറിലെ ഹിന്ദുവിരുദ്ധ കലാപത്തിന്റെ വസ്തുതകൾ പുറത്തുകൊണ്ടുവന്ന പുഴ മുതൽ പിഴ വരെ എന്ന ചിത്രത്തിന്റെയും പ്രദർശനം സമാനമായ രീതിയിൽ തത്വമയി സംഘടിപ്പിച്ചിരുന്നു