വാസ്‌കോ: ഐഎസ്എല്ലില്‍ ഹാട്രിക്ക് തോല്‍വികള്‍ക്കു ശേഷം എഫ്‌സി ഗോവക്ക് ജയം. ത്രില്ലറിനൊടുവില്‍ ഈസ്റ്റ് ബംഗാളിനെ 4-3നാണ് ഗോവ തകർത്തത്. ഈ വിജയത്തോടെ മൂന്നു പോയിന്റുമായി ഗോവ അവസാന സ്ഥാനത്തു നിന്നും കരകയറി 10ാം സ്ഥാനത്തേക്കു കയറി. ആല്‍ബെര്‍ട്ടോ നൊഗ്വേരയുടെ ഇരട്ടഗോള്‍ ഗോവയുടെ വിജയത്തില്‍ നിര്‍ണായകമായി.
അതേസമയം ബംഗാൾ അവസാന സ്ഥാനത്തേക്കു വീഴുകയും ചെയ്തു. ഈ സീസണില്‍ ആദ്യ വിജയത്തിനു വേണ്ടിയുള്ള ബംഗാളിന്റെ കാത്തിരിപ്പ് നീളുകയാണ്. അഞ്ചു മല്‍സരങ്ങളില്‍ മൂന്നെണ്ണത്തില്‍ പരാജയപ്പെട്ട ബംഗാള്‍ രണ്ടെണ്ണത്തില്‍ സമനില വഴങ്ങുകയായിരുന്നു. ഇരട്ടഗോളുകള്‍ നേടിയ ആല്‍ബെര്‍ട്ടോ നൊഗ്വേറയാണ് ബംഗാളിനെതിരേ ഗോവയുടെ വിജയശില്‍പ്പി. അന്റോണിയോ പെരോസെവിച്ച് ഈസ്റ്റ് ബംഗാളിനായി രണ്ട് ഗോള്‍ നേടി. അമിര്‍ ഡെര്‍വിസെവിച്ചിന്റെ വകയായിരുന്നു മറ്റൊരു ഗോള്‍.
