ദില്ലി: എയിംസ് ആശുപത്രിയിൽ വൻ തീപിടിത്തം. തീയണയ്ക്കാൻ അഗ്നിശമന സേനയുടെ 34 വാഹനങ്ങൾ സ്ഥലത്തുണ്ട്. സംഭവത്തിൽ ആർക്കും പരിക്കേറ്റതായി സൂചനയില്ല. ആശുപത്രിയിലെ എമർജൻസി വാർഡിനു സമീപത്താണു തീപിടിത്തം തുടങ്ങിയത്. ഈ കെട്ടിടത്തിൽ രോഗികളെ ചികിൽസിക്കുന്നില്ല. ഡോക്ടർമാരുടെ മുറികളും ഗവേഷണ ലാബുകളുമാണ് ഈ കെട്ടിടത്തിലുള്ളത്.
മുൻ കേന്ദ്രമന്ത്രി അരുൺ ജയ്റ്റ്ലിയെ ഈ ആശുപത്രിയിൽ പ്രവേശിപ്പിച്ചിട്ടുണ്ടെങ്കിലും അദ്ദേഹം മറ്റൊരു കെട്ടിടത്തിലാണ് ചികിൽസിലുള്ളത്. ഓഗസ്റ്റ് 9നാണ് ജയ്റ്റ്ലിയെ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചത്. തീപിടിത്തമുണ്ടായ കെട്ടിടത്തിൽനിന്നു സുരക്ഷിതമായ അകലത്തിലാണ് അരുൺ ജയ്റ്റ്ലിയെ പ്രവേശിപ്പിച്ച കെട്ടിടമുള്ളത്.
