ദില്ലി: വാക്സിൻ ശരിയാകും വരെ കൊവിഡ് പോരാട്ടവും അതിജാഗ്രതയും വേണമെന്ന് പ്രധാനമന്ത്രി നരേന്ദ്രമോദി. ജനതാകർഫ്യൂ മുതൽ രാജ്യം കൊവിഡിനെതിരെയുള്ള അതിതീവ്ര പോരാട്ടത്തിലാണെന്ന് രാജ്യത്തെ അഭിസംബോധന ചെയ്ത് അദ്ദേഹം പറഞ്ഞു. സ്ഥിതി മെച്ചപ്പെട്ടെങ്കിലും കൊറോണ വൈറസ് നമ്മുടെ ഇടയിൽ തന്നെ ഉണ്ടെന്ന് ഓർമ്മ വേണമെന്നും, കരുതൽ കൈവിടരുതെന്നും പ്രത്യേകിച്ചും ഈ ഉത്സവകാലത്തെന്നും അദ്ദേഹം വ്യക്തമാക്കി.
അതേസമയം കൊവിഡ് ഭീതി മാറി എന്ന മട്ടിൽ പലരും പെരുമാറുന്നു. മാസ്ക് ഇല്ലാതെ പുറത്തിറങ്ങുന്നവർ സ്വയവും കുടുംബത്തെയും അപായപ്പെടുത്തുകയാണെന്നും, വാക്സിൻ ശരിയാകും വരെ കൊവിഡ് പോരാട്ടവും അതിജാഗ്രതയും വേണമെന്നും അദ്ദേഹം വ്യക്തമാക്കി.
