ചെന്നൈ: തെന്നിന്ത്യന്‍ സൂപ്പര്‍ താരം ഖുശ്ബു ബിജിപിയിലേയ്ക്ക്. ഇന്ന് ദില്ലിയിലെ ബിജെപി കേന്ദ്ര കമ്മിറ്റി ഓഫീസില്‍ നിന്നും ഖുശ്ബു പാര്‍ട്ടിയുടെ പ്രാഥമിക അംഗത്വം സ്വീകരിക്കും. കഴിഞ്ഞ ലോക്‌സഭ തെരഞ്ഞെടുപ്പില്‍ മത്സരിക്കാന്‍ സീറ്റിന് ശ്രമിച്ചെങ്കിലും ലഭിച്ചിരുന്നില്ല. ഡിഎംകെ നേതാവ് എംകെ സ്റ്റാലിനുമായുള്ള അഭിപ്രായ വ്യത്യാസത്തെത്തുടര്‍ന്ന് പാര്‍ട്ടി വിട്ട ഖുശ്ബു 2014 ലാണ് കോണ്‍ഗ്രസില്‍ ചേര്‍ന്നത്. എന്നാല്‍ ഖുശ്ബു ലോക്‌സഭാ തെരഞ്ഞെടുപ്പ് മുതൽ കോൺഗ്രസുമായി ഇടഞ്ഞു നിൽക്കുകയാണ്. തുടര്‍ന്ന് പുനഃസംഘടനയില്‍ കോണ്‍ഗ്രസ് ദേശീയ വക്താവായി ഖുശ്ബുവിനെ നിയമിച്ചിരുന്നു.
അതേസമയം തമിഴ്‌നാട് തെരഞ്ഞെടുപ്പില്‍ ഖുശ്ബു ബിജെപിയുടെ താര പ്രചാരകയായിരിക്കുമെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. മോദി സര്‍ക്കാരിന്റെ ദേശീയ വിദ്യാഭ്യാസ നയത്തെ പിന്തുണച്ച് ഖുശ്ബു നേരത്തെ രംഗത്തെത്തിയിരുന്നു. കോണ്‍ഗ്രസ് ദേശീയ വക്താവായ ടോം വടക്കനും നേരത്തെ ബിജെപിയില്‍ ചേര്‍ന്നിരുന്നു. ഇതിന് പിന്നാലെയാണ് ഖുശ്ബുവിന്‍റെയും ബിജെപി പ്രവേശനം.
