പത്തനംതിട്ട: ചിങ്ങമാസ പുലരിയിൽ പൂജകള്‍ക്കായി ശബരിമല നടതുറന്നു. ചിങ്ങം ഒന്നായ ഇന്ന് പുലര്‍ച്ചെ 5 മണിക്ക് മേല്‍ശാന്തി ക്ഷേത്രനട തുറക്കുകയും തുടര്‍ന്ന് നിര്‍മ്മാല്യവും നെയ്യഭിഷേകവും നടത്തി. രാവിലെ 5.15 ന് മഹാഗണപതി ഹോമവും, തുടർന്ന് 07.40ന് ഉഷപൂജയും നടക്കും.
21 ആം തീയതി രാത്രി ഹരിവരാസനം പാടി നട അടയ്ക്കുന്നതോടെ ചിങ്ങമാസ പൂജകൾ സമാപിക്കും. കൊവിഡ് നിയന്ത്രണങ്ങളുടെ പശ്ചാത്തലത്തിൽ ഈ മാസവും ഭക്തർക്ക് ശബരിമലയിൽ ദർശനത്തിനുള്ള അനുമതി ഇല്ല.
ഓണക്കാലത്ത് 5 ദിവസം പൂജകൾക്കായി ശബരിമല നട തുറക്കും. 29 മുതൽ സെപ്റ്റംബർ 2 വരെയാണ് ഓണക്കാലത്ത് നടതുറക്കുക .ഓണം നാളുകളിൽ പതിവുപോലെ ഓണസദ്യയും ഉണ്ടാകും. ഓണക്കാല പൂജകൾക്ക് ശേഷം സെപ്റ്റംബർ 2 ന് രാത്രി ഹരിവരാസനത്തോടെ നട അടയ്ക്കും.
