Friday, March 29, 2024
spot_img

നിങ്ങൾ അറിയുന്നോ ഈ കുരുന്നുകളുടെ സ്നേഹബന്ധം

ഇന്ന് പ്രണയദിനമാണ്. കൗതുകരവും വേദനിപ്പിക്കുന്നതുമായ നിരവധി പ്രണയകഥകൾ നമ്മൾ ഇന്ന് അറിയാനിടയാകും. എന്നാൽ പ്രണയമെന്ന വികാരത്തിനുമപ്പുറമാണ് വേർപിരിയാനാവാത്തവിധമുള്ള സ്നേഹബന്ധം. അതുകൊണ്ടു തന്നെ കാമറോണിന്റെയും ഇന്ത്യാനയുടെയും ഹൃദയസ്പർശിയായ കഥയിലേക്ക് കണ്ണോടിക്കാം

ന്യൂസിലെണ്ടിലെ സ്റ്റാർഷിപ് ആശുപത്രിയിലായിരുന്നു ഇരുവരുടെയും ജനനം. ഒൻപത് ദിവസത്തെ വ്യത്യാസമുള്ളതിനാൽ ഇന്ത്യാനയാണ് മൂത്തവൾ. പക്ഷെ ജനിച്ചു നിമിഷങ്ങൾക്കുള്ളിൽത്തന്നെ ആ ദുരന്ത വാർത്ത ഇരുവരുടെയും മാതാപിതാക്കളെ തളർത്തി. ഇരുവർക്കും മാരകമായ ഹൃദ്രോഗം. ഹൃദയത്തിന്റെ ഇടതു വശത്തെ വളർച്ചാക്കുറവ് മൂലം ശരീരത്തിന് ആവശ്യമുള്ള രക്തം പമ്പ് ചെയ്യുവാൻ സാധിക്കുന്നില്ല. ഇപ്പോൾ ആറ് വയസുള്ള കാമറോണും ഇന്ത്യാനയും ഇതിനോടകം ഏഴു തവണ ഹൃദയ സംബന്ധമായ ശാസ്ത്രക്രിയ്ക്കു വിധേയമായി. എന്നാൽ രോഗത്തിന്റെ വേദനയും വിഷാദവുമൊന്നും ഈ കുരുന്നുകളെ ബാധിച്ചില്ല. ജനിച്ച നാൾ മുതൽ ഇരുവരും ഒരുമിച്ചായിരുന്നു. കളിയും ചിരിയും കഥപറച്ചിലുമായി അവരുടെ ഹൃദയങ്ങൾ തമ്മിൽ ഒന്നായി. ഇവരുടെ സ്നേഹബന്ധം തിരിച്ചറിഞ്ഞപ്പോൾ ഇരുവരുടെയും കുടുംബങ്ങൾ തമ്മിലും കൂടിച്ചേരലുകൾ പതിവായി.

സ്റ്റാർഷിപ് ആശുപത്രിയാണ് ഇവരുടെ പ്രിയപ്പെട്ട കളിസ്ഥലം. ജീവിതത്തിലെ പാതി സമയവും ആശുപത്രിയിൽ ചിലവഴിച്ചതിനാൽ ഇവിടത്തെ മുക്കും മൂലയും ഇവർക്ക് കാണാപ്പാഠമാണ്. പ്രിയപ്പെട്ട കുരുന്നുകളെ സ്വീകരിക്കുവാൻ ആശുപത്രി അധികൃതർ എപ്പോഴും റെഡി. ഏകദേശം ഒരുലക്ഷത്തോളം കുട്ടികളാണ് ഹൃദയസംബന്ധമായ അസുഖവുമായി ഈ ആശുപത്രിയിൽ അഭയം തേടുന്നത്. ഹൃദയം തകർന്നു പോകുന്ന വേദന നൽകിയായിരുന്നു ഇരുവരുടെയും ജനനമെങ്കിൽ ആ ഹൃദയങ്ങൾ ഇന്ന് വേര്പിരിയാകാനാവാത്തവിധം ഒന്നാണ്.

Related Articles

Latest Articles