ദില്ലി: ഭീകരവാദികളേയും ഭീകരവാദ സംഘടനകളേയും നിയന്ത്രിക്കുന്നതില് പാക്കിസ്ഥാന് പരാജയപ്പെട്ടെന്ന് ആഗോള കൂട്ടായ്മയായ ഫിനാന്ഷ്യല് ആക്ഷന് ടാസ്ക് ഫോഴ്സ്. ഭീകരവാദ സംഘടനകള്ക്ക് സാമ്പത്തിക ലഭ്യത ഇല്ലാതാക്കാനായി നിര്ദ്ദേശിച്ച 40 മാനദണ്ഡങ്ങളില് ഒന്നുമാത്രമാണ് നടപ്പാക്കിയതെന്ന് എഫ്എടിഎഫ് കുറ്റപ്പെടുത്തി. ഇക്കഴിഞ്ഞ ശനിയാഴ്ചയാണ് റിപ്പോര്ട്ട് പുറത്തുവിട്ടത്.
യുഎന് സുരക്ഷാ സമിതി ആഗോള ഭീകരനായി പ്രഖ്യാപിച്ച ഹാഫിസ് സയീദ്, ആഗോള ഭീകര സംഘടനയായ ജെയ്ഷ ഇ മുഹമ്മദ്, ലഷ്കറെ തോയ്ബ തുടങ്ങിയ സംഘടനകളെ നിയന്ത്രിക്കുന്നതിനായി മുന്നോട്ടുവെച്ച നിര്ദ്ദേശങ്ങള് വാരിക്കുന്നതില് വീഴ്ച വരുത്തിയെന്ന് എഫ്എടിഎഫ് റിപ്പോര്ട്ടില് വ്യക്തമാക്കി. ഏഷ്യാ പസിഫിക് ഗ്രൂപ്പാണ് റിപ്പോര്ട്ട് തയ്യാറാക്കിയത്.
അതേസമയം എഫ്എടിഎഫ് നിര്ദേശിച്ച മാര്ഗ്ഗനിര്ദ്ദേശങ്ങള് പാലിക്കാത്തതിനാല് പാക്കിസ്ഥാനെ ഗ്രേ ലിസ്റ്റില് നിലനിര്ത്തിയേക്കും. ഒക്ടോബര് 13 മുതല് 18 വരെ പാരീസിലാണ് എഫ്എടിഎഫ് യോഗം. നേരത്തെ യുഎന്നിന്റേയും എഫ്എടിഎഫിന്റേയും മാര്ഗ നിര്ദ്ദേശങ്ങള് പാലിക്കാത്തിനാല് ജൂണിലാണ് പാക്കിസ്ഥാനെ ഗ്രേ ലിസ്റ്റില് ഉള്പ്പെടുത്തിയത്. ഭീകരവാദികള്ക്കും ഭീകര സംഘടനകള്ക്കും സാമ്പത്തിക സഹായം ലഭ്യമാകുന്നത് തടയാന് യുഎന് സുരക്ഷ കൗണ്സില് നിര്ദ്ദേശിച്ച മാനദണ്ഡങ്ങള് പൂര്ണമായി നടപ്പാക്കാന് പാക്കിസ്ഥാന് തയ്യാറായിട്ടില്ല.
ലഷ്കര് ഇ തോയ്ബ, ജമാഅത്ത് ഉദ്ദവ, ഫലാഹ് ഇ ഇന്സാനിയാത് ഫൗണ്ടേഷന് തുടങ്ങിയ സംഘടനകള്ക്കെതിരെ പാക്കിസ്ഥാന് സര്ക്കാര് നടപടി സ്വീകരിച്ചിട്ടില്ലെന്നും എഫ്എടിഎഫ് റിപ്പോര്ട്ടില് പറയുന്നുണ്ട്. ഭീകരസംഘടനകള്ക്കുള്ള സാമ്പത്തികസഹായം തടയാനും കള്ളപ്പണം വെളുപ്പിക്കുന്നത് അവസാനിപ്പിക്കാനും ലക്ഷ്യമിട്ട് രൂപീകരിച്ച രാജ്യാന്തര കൂട്ടായ്മയാണ് എഫ്എടിഎഫ്.
സംഭവത്തിന്റെ ഗൗരവം പാകിസ്ഥാന് മനസ്സിലായിട്ടില്ലെന്നും എഫ്എടിഎഫ് കുറ്റപ്പെടുത്തി. ഇനിയും അലംഭാവം തുടര്ന്നാല് ഉത്തരകൊറിയയും ഇറാനുമുള്പ്പെട്ട കരിമ്പട്ടികയില് ഉള്പ്പെടുത്തുമെന്നും മുന്നറിയിപ്പ് നല്കിയിട്ടുണ്ട്.
മായാവതിയുടെ ബഹുജൻ സമാജ്വാദി പാർട്ടിയുടെ തമിഴ്നാട് സംസ്ഥാന പ്രസിഡന്റിനെ ആറംഗസംഘം വെട്ടിക്കൊന്നു. കെ. ആംസ്ട്രോങ് ആണ് കൊല്ലപ്പെട്ടത്. ചെന്നൈ പെരമ്പൂരിലെ…
മോദിയും സുനക്കും തമ്മിലുള്ള വ്യത്യാസം ഇതായിരുന്നു! ബ്രിട്ടനിലെ സാഹചര്യം പരിശോധിച്ചാൽ ഭാരതത്തിൽ മികച്ച ഭരണം #narendramodi #bjp #rishisunak #election…
കോഴിക്കോട് ജില്ലയില് ഒരാള്ക്കുകൂടി അമീബിക് മസ്തിഷ്കജ്വരം സ്ഥിരീകരിച്ചു. സ്വകാര്യ ആശുപത്രിയിൽ ചികിത്സയിലുള്ള തിക്കോടി സ്വദേശിയായ പതിന്നാല് വയസുകാരനാണ് രോഗം സ്ഥിരീകരിച്ചത്.…
സിപിഎം തിരുത്തിയില്ലെങ്കിൽ ഇടത് മുന്നണി തകരും! സിപിഐ മുന്നണി വിടുമോ ? #cpm #congress #kerala #binoyviswam
ദില്ലി : വരാനിരിക്കുന്ന സംസ്ഥാന തെരഞ്ഞെടുപ്പുകൾക്ക് മുന്നോടിയായി രാജ്യത്തെ വിവിധ സംസ്ഥാനങ്ങളിലേക്കുള്ള ഇൻചാർജുമാരായി പുതിയ നേതാക്കൾക്ക് നിയമനം നൽകി ബിജെപി.…
മലപ്പുറം എടപ്പാളിൽ മർദ്ദിക്കാൻ പാഞ്ഞെടുത്ത സിഐടിയുക്കാരെ പ്രാണരക്ഷാർത്ഥം കെട്ടിടത്തിൽ നിന്ന് താഴേക്ക് ചാടിയ നിർമ്മാണ തൊഴിലാളിക്ക് ഗുരുതര പരിക്ക്. ഇരുകാലുകളും…