ഫേസ്ബുക്ക് പ്രണയം!;രണ്ട് മക്കളെ ഉപേക്ഷിച്ച് കാമുകനൊപ്പം ഒളിച്ചോടിയ യുവതിയെ,രണ്ട് മാസങ്ങൾക്ക് ശേഷം റയിൽവേ സ്റ്റേഷനിൽ ഉപേക്ഷിച്ചു;പരാതിയുമായി യുവതി സ്റ്റേഷനിൽ

പട്ന : രണ്ട് മക്കളെ ഉപേക്ഷിച്ച് ഫേസ്ബുക്ക് വഴി പ്രണയത്തിലായ കാമുകനൊപ്പം ഒളിച്ചോടിയ യുവതിയെ രണ്ട് മാസങ്ങൾക്ക് ശേഷം കാമുകൻ റെയിൽ വേ സ്റ്റേഷനിൽ ഉപേക്ഷിച്ചു.തുടർന്ന് ബീഹാറിലെ പൂർണിയ സ്വദേശിയായ 28 കാരി പരാതിയുമായി പോലീസ് സ്റ്റേഷനിൽ.വിവാഹിതയായ യുവതിയ്‌ക്ക് 8 ഉം 6 ഉം വയസ്സുള്ള രണ്ട് മക്കളുമുണ്ട്.

രണ്ട് വർഷം മുൻപാണ് ബിഹാറിലെ സമസ്തിപൂർ വിഭൂതിപൂർ സ്വദേശിയായ അജയ് എന്ന യുവാവിനെ ഫേസ്ബുക്കിലൂടെ യുവതി പരിചയപ്പെട്ടത് . ഫേസ്ബുക്കിലും വാട്‌സ്ആപ്പിലും ഉള്ള സൗഹൃദം ക്രമേണ പ്രണയമായി മാറി.ഇതിനിടെ ഇരുവരും തമ്മിൽ വീഡിയോ കോളും പതിവായി . രണ്ട് മാസം മുമ്പ് ബീഹാറിലെ സഹർസ ജില്ലയിൽ വെച്ച് ഇരുവരും കണ്ടുമുട്ടുകയും അവിടെ വെച്ച് ഇരുവരും ലൈംഗിക ബന്ധത്തിലേർപ്പെടുകയും ചെയ്തു. വിവാഹം കഴിക്കണമെന്നാവശ്യപ്പെട്ട യുവതിയെ അജയ് ഹരിയാനയിലേക്ക് കൊണ്ടുപോയി. അവിടെ അവർ 2 മാസത്തോളം ഭാര്യാഭർത്താക്കന്മാരായി താമസിച്ചു.

പിന്നീട് യുവതിയെ തന്റെ ഗ്രാമത്തിൽ കൊണ്ടുപോകാമെന്ന് പറഞ്ഞാണ് അജയ് യുവതിയേയും കൂട്ടി ദില്ലി സ്റ്റേഷനിലെത്തിയത് . യാത്രയ്‌ക്കിടെ വെള്ളമെടുക്കണമെന്ന് പറഞ്ഞ് അജയ് യുവതിയെ ട്രെയിനിലിരുത്തി സ്റ്റേഷന് പുറത്തേക്ക് പോയിരുന്നു. പിന്നീട് തിരിച്ചെത്തിയില്ല. യുവാവിനെ തേടി യുവതി ഏറെ അലഞ്ഞെങ്കിലും കണ്ടെത്താനായില്ല. ഇതിനുശേഷം അജയ് കാണിച്ച വിലാസം തേടിപിടിച്ച് യുവതി വിഭൂതിപൂരിലെത്തി. എങ്കിലും യുവാവിന്റെ വീട്ടുകാർ യുവതിയെ വീട്ടിൽ നിന്ന് പുറത്താക്കി . തുടർന്നാണ് യുവതി വിഭൂതിപൂർ പോലീസ് സ്റ്റേഷനിൽ പരാതി നൽകിയത് .