അവധിദിനങ്ങളിൽ ഗുരുവായൂർ ക്ഷേത്രവും പരിസരവും ഭക്തരെക്കൊണ്ട് തിങ്ങിനിറഞ്ഞു. തൊഴാനുള്ളവരുടെ വരി നാലമ്പലത്തിലേക്ക് കടക്കാതെ കൊടിമരത്തിനു മുന്നിൽ നിന്ന് പുറത്തേക്ക് നീണ്ടു. കിഴക്കേഗോപുരം വഴി അകത്തേക്ക് കടക്കാനുള്ളവരുടെ വരി തെക്കേനടയിൽ മൂന്നുവരിയായാണ് നീണ്ടുപോയത്. രണ്ടുദിവസങ്ങളിലും കല്യാണങ്ങൾ കുറഞ്ഞതു കാരണം കല്യാണമണ്ഡപങ്ങൾക്കു മുന്നിൽ പതിവ് തിരക്കുണ്ടായില്ല.
വെള്ളിയാഴ്ച രാവിലെയാണ് ഏറെ തിരക്കുണ്ടായത്. പടിഞ്ഞാേറ ഗോപുരനടയും കടന്ന് ഇന്നർ റോഡിന്റെ തെക്കേയറ്റംവരെ വരി എത്തിയിരുന്നു. ഇതിനുമുമ്പ് ഇത്രയും നീണ്ട വരിയുണ്ടായത് അഷ്ടമിരോഹിണിക്കാണ്. വെള്ളിയാഴ്ച വഴിപാടിനങ്ങളിൽ 78.41 ലക്ഷവും ശനിയാഴ്ച 74.77 ലക്ഷവുമായിരുന്നു വരുമാനം. വെള്ളിയാഴ്ച തുലാഭാരം 24 ലക്ഷം, നെയ്യ് വിളക്ക് ശീട്ടാക്കൽ 23 ലക്ഷം, പാൽപ്പായസം ആറുലക്ഷം എന്നിങ്ങനെയായിരുന്നു വരവ്. 501 ചോറൂൺ വഴിപാടുണ്ടായി.
ശനിയാഴ്ച തുലാഭാരം 23 ലക്ഷം, നെയ്യ് വിളക്ക് ശീട്ടാക്കൽ 24 ലക്ഷം, പാൽപ്പായസം അഞ്ചുലക്ഷം എന്നിങ്ങനെ വരവുണ്ടായപ്പോൾ 411 ചോറൂണും ഉണ്ടായിരുന്നു. പൊതു അവധിദിവസങ്ങളിൽ ഉച്ചവരെ പ്രത്യേക ദർശനമില്ലാത്തതിനാൽ നെയ്യ് വിളക്ക് ശീട്ടാക്കാനുള്ളവരുടെ തിരക്കേറി. 4500 രൂപയ്ക്ക് ശീട്ടാക്കിയാൽ അഞ്ചുപേർക്ക് വരി നിൽക്കാതെ നേരെ നാലമ്പലത്തിൽ കടന്ന് തൊഴാം. ഈ ഇനത്തിൽ രണ്ടുദിവസം 217 പേർ ശീട്ടാക്കി. ആയിരം രൂപയുടെ നെയ്യ് വിളക്ക് ശീട്ടാക്കിയത് രണ്ടുദിവസം 3738 പേരാണ്.
അമ്മയെ കൊലപ്പെടുത്തിയ കേസിലെ പ്രതി തന്നെ പരോളിൽ ഇറക്കിയ സഹോദരനെ ഉലക്കയ്ക്ക് അടിച്ചു കൊന്നു.പന്നിവിഴ കോട്ടപ്പുറം മറ്റത്തിൽ പുത്തൻവീട്ടിൽ സതീഷ്…
അടിയന്തരാവസ്ഥക്കാലത്ത് ഏറ്റവും കൂടുതൽ പീഡിപ്പിക്കപ്പെട്ടവർ സംഘപരിവാറുകാരാണ്! നിവേദിത സുബ്രഹ്മണ്യൻ സംസാരിക്കുന്നു | NIVEDIDA SUBRAMANIAN #nivedidasubramanian #bjp #congress
ഇൻഡി സഖ്യം കലങ്ങി ! പപ്പുമോനെ തള്ളി പ്രധാനമന്ത്രി സ്ഥാനാർത്ഥിയായി അഖിലേഷ് യാദവിന്റെ ഫ്ളക്സ് #rahulgandhi #akhileshyadav #congress #primeminister
ട്വന്റി- 20 ലോകകപ്പ് ഫൈനലിൽ ടോസ് നേടിയ ഇന്ത്യ ബാറ്റിങ് തിരഞ്ഞെടുത്തു. ഇന്ത്യൻ ടീമിൽ മാറ്റമില്ല. ടൂർണമെന്റിൽ ലോകകപ്പിൽ തോൽവിയറിയാതെ…
യുഎസ്സിഐആർഎഫ് തയ്യാറാക്കിയ ഭാരതത്തിന്റെ മതസ്വാതന്ത്ര്യ റിപ്പോർട്ടിനെ അപലപിച്ച് ഇന്ത്യൻ ന്യൂനപക്ഷ ഫൗണ്ടേഷൻ. റിപ്പോർട്ട് ഭാരതത്തിന്റെ മതപരമായ ഭൂപ്രകൃതിയെ വളച്ചൊടിക്കുന്നതാണെന്നും ഇന്ത്യൻ…