ന്യൂ ഡൽഹി : താലിബാന്റെ രണ്ടാം വരവിനു ശേഷം വീണ്ടും ഒഴിപ്പിക്കൽ നടപടിയുമായി ഇന്ത്യ. വിദേശകാര്യ മന്ത്രാലയത്തിന്റെ അറിയിപ്പനുസരിച്ച് 10 ഇന്ത്യക്കാരും 94 അഫ്ഗാൻ സിക്കുകാരും പ്രത്യേക വിമാനത്തിൽ ഇന്നലെ ഇന്ദിരാ ഗാന്ധി അന്താരാഷ്ട്ര വിമാനത്താവളത്തിലെത്തി. ഗുരു ഗ്രൻഥ സാഹിബിന്റെ 2 സ്വരൂപങ്ങളും പ്രാചീന ഹിന്ദു ഗ്രന്ധങ്ങളും ഒപ്പമുണ്ടായിരുന്നു
ഓപ്പറേഷൻ ദേവി ശക്തിയുടെ ഭാഗമായി ഇതുവരെ 448 ഇന്ത്യൻ പൗരന്മാരും 206 അഫ്ഗാൻ പൗരന്മാരുമുൾപ്പെടെ 689 പേരെ ഇന്ത്യയിലെത്തിച്ചതായി വിദേശകാര്യ മന്ത്രാലയം അറിയിച്ചു. 438 ഇന്ത്യക്കാരുൾപ്പെടെ 565 പേരെ ഓഗസ്റ്റിൽ ഒഴിപ്പിച്ചിരുന്നു.