ഭാര്യയെയും നാല് മക്കളെയും വെട്ടിക്കൊലപ്പെടുത്തി;ശേഷം ഗൃഹനാഥൻ ആത്മഹത്യ ചെയ്തു,പിതാവിന്റെ ആക്രമണത്തിൽ നിന്നും രക്ഷപ്പെട്ട അഞ്ചാമത്തെ കുട്ടി ഗുരുതര പരുക്കുകളോടെ ആശുപത്രിയിൽ

തമിഴ്‌നാട്: തിരുവണ്ണാമലൈയിൽ ഭാര്യയെയും നാല് മക്കളെയും വെട്ടിക്കൊന്ന ശേഷം ഗൃഹനാഥൻ ആത്മഹത്യ ചെയ്തു. കാലാശപാക്കത്തിന് അടുത്തുള്ള കീഴ്ക്കുപ്പം ഗ്രാമത്തിലാണ് സംഭവം. പിതാവിന്റെ ആക്രമണത്തിൽ നിന്നും രക്ഷപ്പെട്ട അഞ്ചാമത്തെ കുട്ടി ഗുരുതര പരുക്കുകളോടെ ആശുപത്രിയിൽ ചികിത്സയിലാണ്.40കാരനായ പളനിയാണ് ഭാര്യ വള്ളിയെയും നാല് മക്കളെയും വെട്ടിക്കൊന്നത്. നാല് വയസ്സ് മുതൽ 15 വയസ്സ് വരെയുള്ള കുഞ്ഞുങ്ങളാണ് കൊല്ലപ്പെട്ടത്.

സ്ഥിരം മദ്യപാനിയായ പളനിയും വള്ളിയും തമ്മിൽ വഴക്ക് പതിവായിരുന്നു. ചൊവ്വാഴ്ച പുലർച്ചെ മൂന്ന് മണിയോടെയാണ് ഉറങ്ങിക്കിടന്ന വള്ളിയെയും മക്കളെയും അരിവാളും മഴുവും ഉപയോഗിച്ച് പളനി വെട്ടിക്കൊന്നത്. ഇതിന് പിന്നാലെ ഇയാൾ ആത്മഹത്യ ചെയ്യുകയായിരുന്നു