അബുദാബി: യുഎഇയില് കൊവിഡ് 19 ബാധിച്ച് ഒരു മലയാളി കൂടി മരിച്ചു. ദുബായില് പൊലീസ് ഡിപ്പാര്ട്ട്മെന്റിലെ ജിവനക്കാരനായ തൃശൂര് ഏങ്ങണ്ടിയൂര് ചേറ്റുവ സ്വദേശി കുറുപ്പത്ത് കുഞ്ഞിമുഹമ്മദ് ഹാജിയുടെ മകന് ഷംസുദ്ദീന് [65] ആണ് മരിച്ചത്. ഇന്ന് പുലര്ച്ചെ ദുബായ് ക്വിസൈസ് അസ്റ്റര് മെഡിസിറ്റിയില് ആയിരുന്നു അന്ത്യം.
കൊവിഡ് ലക്ഷണങ്ങളോടെ ഒരാഴ്ചയായി ചികിത്സയിലായിരുന്നു. ദുബായ് പൊലീസിലെ മെക്കാനിക്കല് മെയിന്റനന്സ് ഡിപ്പാര്ട്ട്മെന്റില് കഴിഞ്ഞ 48 വര്ഷമായി ജോലി ചെയ്യുകയായിരുന്നു. വിരമിക്കാനിരിക്കെയാണ് കൊവിഡ് പിടിപെട്ടത്. ഭാര്യ: താഹിറ. മക്കള്: ഷിഹാബ് (ഖത്തര്) സിറാജുദ്ദീന്, ഹാജറ, ഷെജീറ.